Hagnýtar upplýsingar Tenerife
Njóttu þess að sigla um strendur suðurhluta Tenerife.
Siam Park er stórglæsilegur vatnsrennibrautagarður fyrir ofan Costa Adeje. Frábær skemmtun fyrir alla fjölskylduna.
Loro Parque er skemmtilegur dýragarður í Puerto de la Cruz þar sem meðal annars höfrungar og sæljón leika listir sínar.
Skelltu þér í kláfinn á hæsta punkt eyjunnar og njóttu fallegs útsýnis.
Innritun
Gott er að mæta 2-3 klst fyrir brottför til Keflavíkur.
Netinnritun opnar 24 klst fyrir áætlaðan brottfarartíma og lokar 1 klst fyrir áætlaðan brottfarartíma. Farþegum er raðað handahófskennt í þau sæti sem eru laus ef ekki er greitt fyrir valin sæti. Þegar þú hefur innritað þig á netinu færð þú brottfararspjaldið sent á netfangið þitt. Ekki er nauðsynlegt að klára ferlið í gegnum heimasíðuna, einnig er hægt að innrita sig á flugvelli.
Ef þú ferðast með farangur sem þarf að innrita notar þú sjálfsafgreiðslu Play til að prenta út töskumiðana þína og brottfararspjald, ef þörf er á því. Til að fá töskumiðana þarftu að skanna brottfararspjaldið þitt eða vegabréf. Þegar þú hefur fengið töskumiðana þína og fest þá við töskuna þarf að skila henni í töskuafhendinguna. Þeir farþegar sem ekki hafa innritað sig eða skilað farangri í töskuafhendingu áður en innritun lýkur geta ekki innritað sig í flugið.
Hægt er að fylgjast með brottfarartíma frá Keflavík á síðunni https://www.isavia.is/keflavikurflugvollur/flugaaetlun/brottfarir og er góð regla að kanna hvort einhverjar breytingar hafi orðið áður en lagt er af stað út á flugvöll.
Ef farangur skilar sér ekki eða skemmist í flugi verður farþegi að gera skýrslu um málið hjá þjónustuaðila á flugvelli, ef ekki er gerð skýrsla fæst tjónið ekki bætt.
Farangursheimild er 10 kg handfarangur, 42x32x25 cm að stærð bakpoki eða veski, sem þarf að komast undir sætið fyrir framan þig. Þá máttu einnig koma með poka úr fríhöfninni í handfarangri og eins þau lyf eða lækningatæki sem þú þarft á að halda í fluginu. Vinsamlega athugaðu að þú þarft að hafa læknisvottorð meðferðis sem segir að lyfin/tækin séu nauðsynleg. Fyrir þá sem hafa keypt innritaða tösku þá má hún vera allt að 20 kg.
Fyrir aukafarangur eða sætapantanir þarf að hafa samband við Aventura í 5562000.
Brottfararspjöld verða send til farþega degi fyrir brottför.
Gott er að mæta 2-3 klst fyrir brottför til Keflavíkur.
Farangursheimild er 10 kg handfarangur (hámarksstærð að meðtöldu handfangi og hjólum er 55x40x20 cm). Sé innrituð taska keypt má hún vera 23 kg.
Hægt er að fylgjast með brottfarartíma frá Keflavík á síðunni https://www.isavia.is/keflavikurflugvollur/flugaaetlun/brottfarir og er góð regla að kanna hvort einhverjar breytingar hafi orðið áður en lagt er af stað út á flugvöll.
Ef farangur skilar sér ekki eða skemmist í flugi verður farþegi að gera skýrslu um málið hjá þjónustuaðila á flugvelli, ef ekki er gerð skýrsla fæst tjónið ekki bætt.
Fyrir aukafarangur eða sætapantanir þarf að hafa samband við Aventura í 5562000.
Neyðarsími Aventura er 6862000.
Hægt er að ná í neyðarnúmer Aventura fyrir utan skrifstofutíma á Íslandi. Neyðarsíminn er einungis fyrir neyðartilvik og við biðjum um að það sé haft í huga.
Ef farþegi hefur einhverjar athugasemdir varðandi þjónustu eða íbúð/herbergi hótels skal leita í gestamóttöku viðkomandi hótels eða gera Aventura viðvart, ekkert er hægt að gera eftir að heim er komið. Ávallt er hægt að hringja á skrifstofu Aventura í síma: + 354 556 2000, frá 9 – 16 alla virka daga.
Almennar upplýsingar
Við komu
Hafir þú pantað og greitt fyrir akstur skal fylgja upplýsingum á þjónustubeiðni sem send verður til farþega fyrir brottför. Þess má geta að rútan getur stoppað á nokkrum hótelum áður en kemur að þínu hóteli. . Rúturnar fara þegar þær fyllast, sé rúta full við komu þína, þarf að bíða eftir næstu.
Við brottför
Vinsamlegast lesið leiðbeiningar á voucher varðandi akstur á flugvöll.
Farþegar sem hafa pantað og greitt fyrir akstur skulu fylgja upplýsingum á þjónustubeiðni sem send verður til farþega fyrir brottför. Þess má geta að rútan getur stoppað á nokkrum hótelum áður en komið er á flugvöll.
Vinsamlegast verið mætt fyrir utan hótelið 10 mínútum fyrir brottfarartíma. Mikilvægt er að mæta ekki síðar en 2 tímum fyrir brottför út á flugvöll.
Vegabréf
Nauðsynlegt er að hafa gilt vegabréf og er almenna reglan að ef ferðast er utan EES verða vegabréf að hafa gildistíma í amk 6 mánuði frá áætluðum ferðalokum. Gott er að athuga tímanlega hvort vegabréf sé enn í gildi og einnig er gott að ferðast með ljósrit af vegabréfi. Farþegar bera einir ábyrgð á því að vegabréf sé gilt. Farþegar með erlent vegabréf þurfa sjálfir að kanna hvort þeir þurfa vegabréfsáritun inn í landið. Nöfn í bókun þurfa að vera alveg eins og í vegabréfi. Nánar um vegabréf hér.
Um borð
Hægt er að kaupa létta rétti, sælgæti og drykki um borð.
Tryggingar
Farþegar bera sjálfir ábyrgð á tryggingum sínum og bendum við farþegum á að skoða sínar ferðatryggingar vel fyrir brottför. Hafi ferð verið greidd með kreditkorti fylgja yfirleitt tryggingar en þær eru mjög mismunandi. Gott er að hafa Evrópska Sjúkratryggingakortið með, hægt er að nálgast það hjá Sjúkratryggingum Íslands.
Apótek
Þau heita FARMACIA á spænsku og eru merkt með grænum krossi. Apótek eru víða og eru yfirleitt opin frá 09:00 – 19:00 virka daga. Á laugardögum eru sum apótek opin fyrir hádegi. Parafarmacia er heilsubúð ekki apótek.
Gjaldmiðill og kreditkort
Gjaldmiðillinn á Tenerife er Evra (EUR). Hraðbankar eru víða á Tenerife en hægt er að nota kort á flestum veitingastöðum og í verslunum. Bankar eru opnir frá 8-14 frá mánudögum til fimmtudaga. Mælt er með að fólk noti hraðbanka sem eru viðurkenndir bankar, ekki er mælt með Euronet.
Bílaleigur
Í gestamóttökum hótela má oft finna upplýsingar um bílaleigubíla.
Drykkjarvatn
Vatnið í krönum er drykkjarhæft en við bendum fólki á að kaupa frekar vatn í verslunum.
Magaveiki
Með breyttu mataræði getur magaveiki gert vart við sig. Vökvaskortur getur orsakað magaveiki, ekki gleyma að drekka mikið vatn.
Sjúkrahús og læknar
Hospiten Sur á Playa de las Americas er með enskumælandi túlka, símanúmer 0034 900 200 143.
Þráðlaust net
Internetsamband á hótelum getur verið misjafnt þó svo að boðið sé upp á WIFI.
Öryggishólf
Við ráðleggjum okkar farþegum að leigja öryggishólf á hótelunum.
Leigubílar
Leigubíla má finna víða og er hagstætt að taka leigubíl á Tenerife. Lausa leigubíla má þekkja á grænu ljósi á þaki bílsins. Starfsfólk í gestamóttöku getur hringt í leigubíl.
Sími
Þegar hringt er úr íslenskum síma og í íslenskan síma frá Tenerife þarf að setja 00354 á undan símanúmerinu.
Verslanir
Það er gott að versla á Tenerife. Þónokkrar verlsunarmiðstöðvar eru suðurhluta eyjunnar, t.d Siam Mall sem er við hlið Siam Park, Parque Santiago 6 á Playa de las Americas, Plaza del Duque á Costa Adeje. Í Safari verslunarkjarnanum við “laugaveginn” má finn mikið úrval verslana einnig á jarðhæð Parque Santiago 4. Á sunnudögum er útimarkaður í Los Cristianos.
Þjófnaður
Einstaka verslanir hafa svindlað á kúnnum sínum, t.d verslanir með raftækjavörur, farið ávallt varlega. Passið veski og síma vel og passið að skilja aldrei neitt eftir án eftirlits.
Þjórfé
Á Spáni tíðkast að gefa þjórfé, um 5-10 % af upphæð. Gott er að skilja eftir pening fyrir herbergisþernur í byrjun dvalar.
Tenerife
Playa de las Americas
Líflegasti áfangastaðurinn á Tenerife, og sá sem flestir sækja. Hér er úrval frábærra hótela, allt frá glæsilegum 5 stjörnu hótelum, í þægileg þriggja stjörnu hótel á frábæru verði. Hér finnur þú „Laugarveginn“, með öllum sínum verslunum og veitingastöðum, þar sem er auðvelt að eyða deginum í að skoða og njóta mannlífsins. Hér eru margir vinsælustu skemmtigarðarnir á eyjunni, bestu hótelin og veitingastaðirnir.
Costa Adeje
Hér hefur nýjasta uppbyggingin átt sér stað á Tenerife. Glæsileg hótel, golfvellir og skemmtigarðar. Frábær aðstaða og glæsilegar strendur, svo sem Playa del Duque, með gullinn sand og gullfallegt umhverfi. Hér finnur þú mörg bestu hótel á eyjunni, glæsilegar verslunarmiðstöðvar eins og Siam Mall og Playa del Duque. Staðurinn fyrir þá sem gera miklar kröfur.
Los Cristianos
Los Cristianos er án efa vinsælasti áfangastaðurinn á Tenerife fyrir þá sem sækja í frábært mannlíf, góða gististaði, úrval veitingastaða, rólegt yfirbragð, og fallegt umhverfi. Hér er frábært verðurfar allt árið um kring, enda er flóinn í skjóli og hér því stillt og hlýtt. Hér er að finna marga vinsælustu gististaði sem Íslendingar sækja í.
Puerto Santiago
Í um 30 mínútna akstursfjarlægð frá Costa Adeje er bærinn Puerto Santiago. Þetta gamla fiskimannaþorp er nú sjarmerandi og afslappaður ferðamannabær. Svört ströndin er í lítilli vík. Þónokkuð er um veitingastaði og verslanir í bænum.