Hagnýtar upplýsingar vegna Alicante/Benidorm/Albir/Calpe
Innritun
Ef flogið er með Play
Innritunarferlið hjá Play fer í gegnum heimasíðu þeirra og fá farþegar sendar upplýsingar frá Play varðandi innritunarferlið en búa þarf til aðgang á MyPlay og skrá sig inn en innritunarkerfið er mjög einfalt og innritun ætti ekki að taka meira en nokkrar mínútur. Það þarf að nota bókunarnúmerið sem Play sendir til að innrita sig.
Gott er að mæta 2-3 klst fyrir brottför til Keflavíkur.
Netinnritun opnar 24 klst fyrir áætlaðan brottfarartíma og lokar 1 klst fyrir áætlaðan brottfarartíma. Farþegum er raðað handahófskennt í þau sæti sem eru laus ef ekki er greitt fyrir valin sæti. Þegar þú hefur innritað þig á netinu færð þú brottfararspjaldið sent á netfangið þitt. Ekki er nauðsynlegt að klára ferlið í gegnum heimasíðuna, einnig er hægt að innrita sig á flugvelli.
Ef þú ferðast með farangur sem þarf að innrita notar þú sjálfsafgreiðslu Play til að prenta út töskumiðana þína og brottfararspjald, ef þörf er á því. Til að fá töskumiðana þarftu að skanna brottfararspjaldið þitt eða vegabréf. Þegar þú hefur fengið töskumiðana þína og fest þá við töskuna þarf að skila henni í töskuafhendinguna. Þeir farþegar sem ekki hafa innritað sig eða skilað farangri í töskuafhendingu áður en innritun lýkur geta ekki innritað sig í flugið.
Hægt er að fylgjast með brottfarartíma frá Keflavík á síðunni https://www.isavia.is/keflavikurflugvollur/flugaaetlun/brottfarir og er góð regla að kanna hvort einhverjar breytingar hafi orðið áður en lagt er af stað út á flugvöll.
Ef farangur skilar sér ekki eða skemmist í flugi verður farþegi að gera skýrslu um málið hjá þjónustuaðila á flugvelli, ef ekki er gerð skýrsla fæst tjónið ekki bætt.
Farangursheimild er 10 kg handfarangur, 42x32x25 cm að stærð bakpoki eða veski, sem þarf að komast undir sætið fyrir framan þig. Þá máttu einnig koma með poka úr fríhöfninni í handfarangri og eins þau lyf eða lækningatæki sem þú þarft á að halda í fluginu. Vinsamlega athugaðu að þú þarft að hafa læknisvottorð meðferðis sem segir að lyfin/tækin séu nauðsynleg. Fyrir þá sem hafa keypt innritaða tösku þá má hún vera allt að 20 kg.
Fyrir aukafarangur eða sætapantanir þarf að hafa samband við Aventura í 5562000.
Gott er að mæta 2-3 klst fyrir brottför til Keflavíkur.
Netinnritun opnar 24 klst fyrir áætlaðan brottfarartíma og lokar 1 klst fyrir áætlaðan brottfarartíma. Farþegum er raðað handahófskennt í þau sæti sem eru laus ef ekki er greitt fyrir valin sæti. Þegar þú hefur innritað þig á netinu færð þú brottfararspjaldið sent á netfangið þitt. Ekki er nauðsynlegt að klára ferlið í gegnum heimasíðuna, einnig er hægt að innrita sig á flugvelli.
Ef þú ferðast með farangur sem þarf að innrita notar þú sjálfsafgreiðslu Play til að prenta út töskumiðana þína og brottfararspjald, ef þörf er á því. Til að fá töskumiðana þarftu að skanna brottfararspjaldið þitt eða vegabréf. Þegar þú hefur fengið töskumiðana þína og fest þá við töskuna þarf að skila henni í töskuafhendinguna. Þeir farþegar sem ekki hafa innritað sig eða skilað farangri í töskuafhendingu áður en innritun lýkur geta ekki innritað sig í flugið.
Hægt er að fylgjast með brottfarartíma frá Keflavík á síðunni https://www.isavia.is/keflavikurflugvollur/flugaaetlun/brottfarir og er góð regla að kanna hvort einhverjar breytingar hafi orðið áður en lagt er af stað út á flugvöll.
Ef farangur skilar sér ekki eða skemmist í flugi verður farþegi að gera skýrslu um málið hjá þjónustuaðila á flugvelli, ef ekki er gerð skýrsla fæst tjónið ekki bætt.
Farangursheimild er 10 kg handfarangur, 42x32x25 cm að stærð bakpoki eða veski, sem þarf að komast undir sætið fyrir framan þig. Þá máttu einnig koma með poka úr fríhöfninni í handfarangri og eins þau lyf eða lækningatæki sem þú þarft á að halda í fluginu. Vinsamlega athugaðu að þú þarft að hafa læknisvottorð meðferðis sem segir að lyfin/tækin séu nauðsynleg. Fyrir þá sem hafa keypt innritaða tösku þá má hún vera allt að 20 kg.
Fyrir aukafarangur eða sætapantanir þarf að hafa samband við Aventura í 5562000.
Þjónustu og neyðarsími
Neyðarsími Aventura er 6862000.
Hægt er að ná í neyðarnúmer Aventura fyrir utan skrifstofutíma á Íslandi. Neyðarsíminn er einungis fyrir neyðartilvik og við biðjum um að það sé haft í huga.
Ef farþegi hefur einhverjar athugasemdir varðandi þjónustu eða íbúð/herbergi hótels skal leita í gestamóttöku viðkomandi hótels eða gera Aventura viðvart, ekkert er hægt að gera eftir að heim er komið. Ávallt er hægt að hringja á skrifstofu Aventura í síma: + 354 556 2000, frá 9 – 16 alla virka daga.
Almennar upplýsingar
Við komu
Hafir þú pantað og greitt fyrir akstur skal fylgja upplýsingum á þjónustubeiðni sem send verður til farþega fyrir brottför. Þess má geta að rútan getur stoppað á nokkrum hótelum áður en kemur að þínu hóteli.
Við brottför
Vinsamlegast lesið leiðbeiningar á voucher varðandi akstur á flugvöll.
Farþegar sem hafa pantað og greitt fyrir akstur skulu fylgja upplýsingum á þjónustubeiðni sem send verður til farþega fyrir brottför. Þess má geta að rútan getur stoppað á nokkrum hótelum áður en komið er á flugvöll.
Vinsamlegast verið mætt fyrir utan hótelið 10 mínútum fyrir brottfarartíma. Mikilvægt er að mæta ekki síðar en 2 tímum fyrir brottför út á flugvöll.
Vegabréf
Nauðsynlegt er að hafa gilt vegabréf og er almenna reglan að ef ferðast er utan EES verða vegabréf að hafa gildistíma í amk 6 mánuði frá áætluðum ferðalokum. Gott er að athuga tímanlega hvort vegabréf sé enn í gildi og einnig er gott að ferðast með ljósrit af vegabréfi. Farþegar bera einir ábyrgð á því að vegabréf sé gilt. Farþegar með erlent vegabréf þurfa sjálfir að kanna hvort þeir þurfa vegabréfsáritun inn í landið. Nöfn í bókun þurfa að vera alveg eins og í vegabréfi. Nánar um vegabréf hér.
Um borð
Hægt er að kaupa létta rétti, sælgæti og drykki um borð.
Tryggingar
Farþegar bera sjálfir ábyrgð á tryggingum sínum. Hafi ferð verið greidd með kreditkorti fylgja yfirleitt góðar tryggingar. Gott er að hafa Evrópska Sjúkratryggingakortið með, hægt er að nálgast það hjá Sjúkratryggingum Íslands.
Gjaldmiðill og kreditkort
Gjaldmiðillinn á Spáni er Evra (EUR). Hraðbankar eru víða en hægt er að nota kort á flestum veitingastöðum og í verslunum.
Sími
Þegar hringt er úr íslenskum síma og í íslenskan síma frá Spáni þarf að setja 00354 á undan símanúmerinu.
Þjórfé
Á Spáni tíðkast að gefa þjórfé, um 5-10 % af upphæð. Gott er að skilja eftir pening fyrir herbergisþernur í byrjun dvalar til að fá ljómandi góða þjónustu á meðan á dvölinni stendur.
Costa Blanca
Costa Blanca eða hvíta ströndin er yfir 200 km löng. Svæðið er einkar vinsælt á meðal Evrópubúa sem velja helst að njóta á Alicante, Benidorm, Albir eða Calpe.
Benidorm
Benidorm er í 37 km fjarlægð frá Alicante flugvelli og þar verður íslenskur fararstjóri á vegum Aventura staðsettur. Sóldýrkendur flykkjast til Benidorm en strandirnar Levante og Poniente eru breiðar sandstrendur og þar er mikið líf og fjör yfir daginn. Gamli bærinn á milli strandanna með sínar þröngu götur er sjarmerandi og heillandi, ógrynni af tapasbörum og litlum heillandi verslunum eru á svæðinu. Afþreying fyrir fjölskyldur er ekki af skornum skammti og er skemmtigarður, dýragarður, sædýrasafn og vatnagarðar meðal þess sem í boði er.
Albir
Næsti bær við Benidorm er Albir en þessi heillandi bær hentar vel fyrir fjölskyldur sem sækja í rólegheit. Playa de Racó de l'Albir er aðalströndin og er hún 600 metra löng steinaströnd en hægt er að ganga meðfram strandlengjunni.
Calpe
Peñón de Ifach er helsta kennileiti strandbæjarins Calpe. Calpe er heillandi bær þar sem sjórinn er túrkísblár og strendurnar breiðar með sínum ljósa og mjúka sandi. Aðalstrendurnar tvær liggja sitthvorum megin við Peñón de Ifach, meðfram báðum ströndum liggur strandgata sem skemmtilegt er að ganga eftir en mikið af veitingastöðum og börum liggja við hana. Calpe er frábær áfangastaður fyrir fríið!
Alicante
Stórborgin Alicante sameinar borgarferð og sólarferð. Gamli bærinn Barrio de la Santa Cruz er einstaklega fallegur með sínum litríkum húsum og þröngum götum. Lítil torg eru víða þar sem er vel við hæfi að tylla sér við einhvern skemmtilegan tapasbar og fylgjast með mannlífinu. Glæsilegi Santa Barbara kastalinn trónir yfir borgina en hægt er að ganga upp eða taka lyftu en heimsókn í kastalann er vel þess virði, þar sem útsýnið er borgina er einkar fagurt.
Falleg strandlengja Playa del Postiguet er 900 metra löng en hægt er að ganga meðfram henni á Promenade. Smábátahöfnin er sérlega skemmtileg og á því svæði má finna veitingastaði, skemmtistaði og spilavíti borgarinnar.
Með von um góða ferð!
