La Laguna

HJÓLAFERÐ MEÐ HARTMANNI GUÐMUNDSSYNI - BÓKA HÉR

Aventura býður spennandi hjólaferðir í beinu flugi til Alicante á hótelið La Laguna Golf & Spa stutt frá Torrevieja.

INNIFALIÐ Í VERÐI FERÐAR

✔ FLUG TIL OG FRÁ ALICANTE	✔ RÚTUR TIL OG FRÁ FLUGVELLI
✔ FLUTNINGUR Á HJÓLUM	✔ GOTT 4 STJÖRNU HÓTEL
✔ GISTING MEÐ MORGUNVERÐI EÐA HÁLFU FÆÐI	✔ 6 SPENNANDI HJÓLALEIÐIR
✔ MORGUNFLUG ÚT OG EFTIRMIÐDAGSFLUG HEIM	✔ TRAUST FARARSTJÓRN

HJÓLALEIÐIR

► VISTA BELLA - TORREVIEJA - 50 KM - LÉTT

Rólegur skemmtihringur um svæðið þar sem stoppað verður á öðruvísi hjólakaffihúsi og við ströndina. Hækkun 300 m.

► GARRUCHAL - 110 KM - MIÐLUNGS

110 km ferð þar sem farið verður í gegnum fallegan Garruchal dalinn og yfir fjallgarðinn. Kaffistopp í veitingahúsi á toppnum. Hækkun 700 m.

► VATNAHRINGUR - 60 KM - MIÐLUNGS

50 km hringur í kringum mjög fallegt vatn. Stoppað á hjólakaffihúsi í Torremendo. Hækkun 400 m.

► VALLEY DE RECOTE - 170 KM - ERFITT

Langur túr, 170 km. Farið verður um einstaklega fallegan og gróðursælan dal. Stoppað á nokkrum stöðum. Hækkun 1400 m.

► BIGASTRO - GUARDAMAR - 60 KM - LÉTT

Léttur 60 km hringur með tveimur kappistoppum í fallega smábænum Algorfa og við smábátahöfnina í Guardamar.

► SAN FILIPI NERI - 100 KM - LÉTT/MIÐLUNGS

Flöt og hröð leið nálægt Elche, þar sem ræktað er mikið af pálmatrjám. Kaffistopp í San Filipi Neri.

Hartmann Kristinn Guðmundsson

Hartmann er ástríðufullur hjólari. Hann er búinn að hjóla og vera meðlimur í Hjólreiðadeild Víkings frá árinu 2014 og síðustu árin í stjórn Hjólreiðadeildar. Hann hefur hjólað mikið, bæði heima og erlendis. Í nokkur ár hefur Hartmann verið búsettur á Spáni hluta úr árinu, hjólað mikið og er þaulkunnugur staðháttum og skemmtilegum hjólaleiðum.

Gist er á hinu glæsilega 4 stjörnu Spa- hóteli La Laguna – Spa and Golf.

Glæsileg aðstaða fyrir gesti, þ.s. þáttakendur geta dvalið við frábærar aðstæður, og notið þess að fá Spa og heilsurækt, á milli þess sem hjólreiðar eru stundaðar af kappi. Tekið er á móti hópnum á flugvellinum í Alicante, farið með hópinn beint á hótelið með rútu og hjólin eru tekin með til að hafa ferðalagið sem þægilegast. Aðeins er hálftíma akstur á hótelið og komið er á hótelið seinni partinn. Þá er stuttur kynnisfundur þar sem farið er yfir aðstæður og hjólaleiðirnar sem farnar eru næstu daga, sýnd aðstaðan fyrir hjólin á hótelinu, líkamsræktin og heilsulindin. Heilsulindin er glæsileg, 700 fermetrar og einnig frábær líkamsræktaraðstaða fyrir þá sem vilja bestu aðstæður til að þjálfa.

Í boði eru mismunandi leiðir á hverjum degi og geta þátttakendur valið um mismunandi lengdir og erfiðleikastig, allt eftir því hvað menn langar að gera.

Öll aðstaða er fyrir hjól á hótelinu. Viðgerðarverkstæði, þvottaaðstaða og sérstök hjólageymsla.

Á hótelinu eru glæsilegir veitingastaðir og stutt er að fara enda úrval veitingastaða í næsta nágrenni, glæsileg snekkjubátahöfn og stutt í miðbæinn í Torrevieja, aðeins 40 mínútna akstur inn til Alicante.