We use cookies and other tracking technologies to improve your browsing experience on our website, to show you personalized content and targeted ads, to analyze our website traffic, and to understand where our visitors are coming from. By browsing our website, you consent to our use of cookies and other tracking technologies.

Rafhjólaferð um hlíðar Prosecco héraðs með Þóru Katrínu, 10 – 17. október

Ekki missa af tækifærinu að hjóla um Prosecco hérað Ítalíu, þetta hjómar ótrúlega vel.

Við byrjum í bænum Bassano del Grappo sem er falinn gimsteinn á norður Ítalíu þar sem áin Brenta rennur í gegn. Heillandi gamli bærinn dregur að ferðamenn frá öllum heimshornum, Ponte Vecchio eða gamla brúin er helsta kennileitið en miðbærinn tengir þröngar götur og stræti við falleg torg, þar sem verslanir, barir og sögulegar byggingar eru á hverju horni. Hér er tilbakið að smakka grappa sem er ítalskt vínberjabrennivín og á rætur sínar að rekja í bæinn.

Haldið er til Lido de Jesolo sem er hefðbundinn ítalskur strandbær, með fallegri 15 kílómetra strandlengju þar sem röndóttar sólhlífar einkenna strandlífið. Þessi líflegi bær hefur heillað ferðamenn í áratugi. Hér kemur fólk til að njóta strander og skemmta sér.

Fyrstu 4 næturnar verður gist á 4 stjörnu hótelinu Bonotto Hotel Palladio í Bassano del Grappa Hótelið er í rólegu hverfi, stutt frá miðbænum með útsýni yfir Monte Grappa. Á hótelinu eru 68 herbergi með loftkælingu, síma, sjónvarpi, öryggishólfi, smábar, hárþurrku, þráðlausu neti og te/kaffi aðstöðu.

Seinni 3 næturnar verður gist á 4 stjörnu hótelinu Hotel le Soleil í Lido de Jesolo. Huggulegt hótel við fallega ströndina í Lido de Jesolo, fallegur sundlaugargarður og sérsvæði á ströndinni. Á hótelinu er veitingastsaður með útsýni yfir ströndina. Herbergin eru í ljósum litum, þau eru loftkæld með svölum. Á hótelinu er líkamsrækt og heilsulind.

Þóru Katrínu

Fararstjóri ferðarinnar er Þóra Katrín Gunnarsdóttir annar eigandi Hjólaskólans

Þóra Katrín Gunnarsdóttir hefur starfað sem fararstjóri víða um heim en mest þó á Ítalíu þar sem hún bjó um árabil. Hún vinnur í dag sem leiðsögumaður og hefur einnig starfað sem hjólaþjálfari í mörg ár og er einn af eigendum Hjólaskólans. Þóra Katrín veit fátt skemmtilegra en að ferðast um á hjólinu í góðum félagsskap og búa til skemmtilegar minningar.

Ferðatilhögun

10. október

Flogið frá Keflavík til Mílano með Icelandair

17. október

Flogið frá Mílanó til Keflavíkur með Icelandair

Innifalið
  Flug með 20 kg tösku
  Gisting í 4 nætur á Bonotto Hotel Palladio og 3 nætur á Hotel le Soleil með morgunverði
  Íslensk fararstjórn á meðan dvöl stendur
  Enskumælandi fararstjórn í ferðum
  Akstur til og frá flugvelli og í ferðir
  Tvær þriggja rétta kvöldmáltíðir á Bonotto Hotel Palladio
  Þrjár þriggja rétta kvöldmáltíðir á Hotel Le Soleil
  Dagskrá sem er tilgreind, með fyrirvara um breytingar
Dagskrá

10. október

Koma til Milanó, Þóra Katrín heldur með hópinn í rútu til Bassano del Grappa


11. október

Marostica og Breganze – Meðfram kirsuberjatrjám og Torcolato vínleiðinni

Hjólað frá hótelinu til Marostica, sem er þekkt fyrir taflborð í raunstærð. Meðfram hæðum sem eru umvafnar kirsuberjatrjám er komið til Breganze, svæði úrvalsvína, þekkt fyrir Torcolata sætvínið. Vínsmökkun með snarli áður en haldið er tilbaka til Bassano

  Hjólaleið: 45 km

  Hæðamunur: 270 metrar

  Erfileikastig: Miðlungs


12. október

Fallegt landslag Mount Grappa og og Prosecco di Asolo vínleiðin

Hjólað við rætur Mount Grappa að þorpinu Paderno. Hjólað á sléttu og í halla með fallega fjallasýn. Haldið til Monfumo í gegnum hæðótt, fallegt landslag Prosecco vínekranna. Stoppað í léttan hádegisverð á ekta ítalskri vínekru með vínsmökkun og snarli. Hjólað tilbaka til Bassano á flötum sveitavegum framhjá rólegum þorpum.

  Hjólaleið: 50 km

  Hæðamunur: 500 metrar

  Erfileikastig: Miðlungs


13. október

Asolo og bærinn innan múranna Castelfranco Veneto

Hjólað til Asolo, “borg hinna hundrað sjóndeildarhringja”, heimili ljóðskálda og tónlistarmanna frá allri Evrópu síðustu tvær aldir.

Í Pagnano er farið Ezzelini hjólaleiðina, sem er tileinkuð áhrifaríkri miðaldar fjölskyldu sem bjó á svæðinu. Dagurinn endar í Castelfranco Veneto sem er innan bæjarmúra, heimabær Giorgione, hins fræga endurreisnar málara. Castelfranco Madonna meistaraverkið er til sýnis í kirkjunni. Farið til baka til Bassano í lest í 20 mínútur. Í enda ferðarinnar verður farið í grappa brennslu með smökkun.

  Hjólaleið: 40 km

  Hæðamunur: 190 metrar

  Erfileikastig: Auðvelt


14. október

Treviso og áin Sile

Um morguninn er farið til Treviso í rútu, þar sem fallegs útsýnis er notið á leiðinni, þar sem óteljandi síki og stórfenglegar hallir veita einstaka sýn.

Auðvelt hjólaleið í gegnum endalaust grænt svæði í Natural Park of the Sile River, þar sem við endum við lón Feneyja og að lokum Jesolo.

  Hjólaleið: 60 km

  Hæðamunur: Nánast enginn

  Erfileikastig: Auðvelt


15. október

Hjólað um lón Feneyja

Þægilegur dagur þar sem hjólað er um lón Feneyja norðan megin sem eru á Heimsminjaskrá UNESCO Hjólaferð sem býður upp á einstaka náttúrufegurð og söguna eins og hún gerðist, í heillandi umhverfi fallega þorpa sem speglast í vatninu

Bátsferð í gegnum lónið frá Lio Maggiore til Lio Piccolo.

  Hjólaleið: 45 km

  Hæðamunur: Nánast enginn

  Erfileikastig: Auðvelt


16. október

Til Feneyja meðfram ströndinni

Hjólað á flatlendi meðfram Adríahafinu til Punta Sabbioni bryggjunnar. Bátsferð til fallegu Feneyja með innlendri fararstjórn. Frjáls tími til að skoða borgina. Farið til baka til Punta Sabbioni og í rútu til hótels.

  Hjólaleið: 25 km

  Hæðamunur: Nánast enginn

  Erfileikastig: Auðvelt


17. október

Brottför frá hóteli um morguninn

ATH - Breytingar á dagskrá geta átt sér stað

Ekki innifalið
  Ferðamannaskattur sem greiðist á hóteli, 2.5 – 3 EUR á mann á dag.
  Þjórfé
  Annað sem ekki er tekið fram í ferðalýsingu og ekki talið í upptalningu á hvað sé innifalið
Annnað
  Staðfestingargjald er 50.000 kr á mann og er óafturkræft
  Lágmarksþátttaka er 20 manns og áskilur ferðaskrifstofan sér rétt til að fella ferð niður náist ekki næg þátttaka.