Estepona er sjarmerandi strandbær á Costa del Sol svæðinu og er frábært val fyrir fríið til að njóta sólar og strandar. Andalúsíusjarminn svífur yfir gamla bænum þar sem hvítar húsaþyrpingar og litrík blómin heilla augað. Góður göngutúr meðfram strandlengjunni við sólsetur svíkur engan en nóg er af kaffihúsum og bekkjum til að tylla sér á leiðinni. Snekkjubátahöfnin setur sinn lit á bæjarlífið en þar eru barir og veitingastaðir og einu sinni í viku er útimarkaður þar sem heimamenn selja vörur sínar.