Brno - 60+
Brno í Tékklandi - sérferð með dagskrá fyrir eldri borgara
Aventura býður upp á sérferð fyrir eldri borgara til fallegu borgarinnar Brno sem er fyrrum höfuðborgar Moravíu og menningarkjarni suðurhluta Tékklands.
Dagskrá ferðarinnar er með vel valin og tekur mið af þörfum eldri borgara til að kynnast betur menningu og er fræðandi í senn ásamt að njóta líðandi stundar.
Hér skoðum við glæsilega herragarða, förum í vínsmökkun í frægasta vínkjallara Tékklands og heimsækjum frægar bjórverksmiðjur Starobrno.
Njótum sameiginlegarar kvöldverðar og félagsskapar í ferðinni.
Beint flug til frá Keflavík til Brno
Komum okkur vel fyrir á hótelinu okkar
Léttur göngutúr um gamla bæinn í Brno
Kvöldverður á vel völdum Tékkneskum veitingastað í miðbænum
Frjáls dagur til að njóta Brno.
Farið í bjórsmökkun í hjarta Brno. Þar geta ferðafélagar kynnst frægustu bjórtegundum héraðsins.
Sameiginlegur kvöldverður á vel völdum veitingastað í Brno
Kynnisferð til Kromeriz, einnar fegurstu miðaldaborgar Tékkalands, hér var kvikmyndin Amadeus tekin upp og bærinn friðlýstur af Unesco. Kynnisferð um bæinn, hádegisverður, og farið svo beint út á flugvöll í eftirmiðdaginn
Hótelið
Gist er á Grandhotel Brno – fallegu 4 stjörnu hóteli í hjarta Brno
Brno
Brno er höfuðborg Jihomoravský-héraðs (Suður-Móravíu) við ármót Svitava- og Svratka-ánna í suðaustanverðu Tékklandi. Hún er miðstöð ullariðnaðar í landinu og framleiðir vefnaðarvörur, tölvur, vopn, efnavörur, sápu og bjór. Kolanám og landbúnaður eru aðalatvinnuvegir umhverfis borgina. J.E.P.-háskólinn var stofnaður 1919.
Landbúnaðarháskóli er einnig rekinn í borginni. Áhugavert er að skoða dómkirkju Hl. Péturs og Páls (15. öld), ráðhúsið (16. öld) og Landhaus (19. öld). Brno var stofnuð á 9. öld og varð frjáls borg í Hinu heilaga rómverska keisaradæmi 1278. Áður en Austurríki-Ungverjaland beið ósigur í fyrri heimsstyrjöldinni var borgin höfuðstaður krúnulandsins Móravíu.
Árið 1918, þegar Tékkóslóvakía fékk sjálfstæði, fékk Brno sama hlutverk en Silesía bættist við. Á árunum 1939-45 var hún höfuðstaður þýzka verndarsvæðisins Móravíu og loks náði höfuðstaðarhlutverkið einnig yfir nýstofnaða héraðið Jihomoravský árið 1960.
