Sigling og hjól í Króatíu | 7-18.5.2026
Sigling og hjól í Króatíu 6.5 – 20.5.2026
Glæsileg ferð þar sem bæði er siglt um fallegt Adríahafið og hjólað í einstakri náttúrufegurð um eyjar Króatíu. Einstök ferð sem þú mátt ekki láta fram hjá þér fara. Upplifðu Króatíu eins og hún gerist best.
Ferðin byrjar á því að gist verður í Split í 3 nætur áður en haldið er um borð í snekkjuna Seagull sem er glæsileg með loftkældri borðstofu með bar og sólpalli með bekkjum. Siglt verður frá 9.5 – 16.5. Síðustu 4 næturnar er dvalið við Makarska rivíeruna.
Hótel Art Hotel í Split⭐️⭐️⭐️⭐️
Gist verður á Art Hotel í Split fyrir siglingu, hótelið er 4 stjörnu og einkar huggulegt, á þaki hótelsins er sundlaug og aðstaða til sólbaða með glæsilegu útsýni yfir borgina.
TUI Blue Makarska⭐️⭐️⭐️⭐️
Gist verður á Tui Blue Makarska eftir siglingu, glæsilegt hótel fyrir fullorðna í skemmtilegum strandbæ.
Fararstjóri ferðarinnar er Þóra Sævarsdóttir
Þóra er ævintýragjarn reynslubolti & hefur verið fararstjóri í mörg ár & eru ferðalög hennar ástríða. Hún hefur ferðast um alla Evrópu Bandaríkin & Mexico. Hún veit fátt skemmtilegra en að ferðast, kynnast nýju fólki & upplifa aðra menningu með skemmtilegu fólki.
Þóra hefur óbilandi áhuga á tungumálum,sögu, tónlist & listum. Hún hefur stundað nám við HÍ um Franska sögu & byggingalist Parísar. Einnig hefur hún stundað nám í spænsku & þýsku. Helstu áhugamál Þóru eru siglingar, Sup, fjallaskíði, hjólreiðar, ferðalög, tónlist & listir. Þóra leggur mikinn metnað i að upplifun ferðafélaganna sé ánægjuleg, hún er úrræðagóð hress & skemmtileg.
Flogiðy til Split, áætlaður lendingartími klukkan 15:00
Haldið á Hotel Art í Split þar sem dvalið verður fyrstu 3 næturnar áður en haldið er af stað í siglingu.
Fararstjóri fer með rútunni á hótelið og fer yfir dagskrána á leiðinni.
Skoðunarferð í Split með innlendum leiðsögumanni. Gönguferð um gamla bæinn.
Valkvæð skoðunarferð: Krka waterfalls from Split
Hópurinn sóttur á Hotel Art klukkan 11:30
Brottför klukkan 13:00 frá bryggju og hádegisverður snæddur í beinu framhaldi á leið til eyjunnar Brac. Við komu til Supertar er hjólað veginn við sjávarsíðuna að norðurhluta Brac. Á leiðinni er farið framhjá sjávarþorpinu Splitska og Postira og komið í eina fallegustu litlu byggð í Evrópu, Pucisca. Frjáls eftirmiðdagur í þessu heillandi þorpi sem er vel þekkt fyrir falleg steinhús. Gist í Pucisca.
Split – Supetar – Pucisca
Morgunverður snæddur um borð og haldið er í átt að Hvar, lengstu króatísku eyjunni, með útsýni yfir Boikovo fjall
Byrjunarreitur dagsins er lítill fagur flói, Pokrivenik. Byrjað á að hjóla upp í móti að hæsta punkti leiðarinnar og í framhaldi niður að austurhluta Hvar, Sucuraj, þar sem snekkjan bíður
Eftir hádegismat um borð er siglt að næst stærsta skaga Króatíu, Peljesac, ásamt Lovista eða Kuciste sem eru huggulegir bæir og gist yfir nóttina.
Valkvætt, kvöldverður að hætti skipstjórans
Pucisca – Pokrivenik/Jelsa – Sucuraj – Lovista/Kuciste
Skemmtilegur dagur í vændum þar sem hjólað er í gegnum vínekrur
Eftir morgunverð er byrjað að hjóla til Orebic, borgar sjómanna og skipstjóra. Fyrstu kílómetrarnir eru upp í móti en við tekur leið niður á við með fallegu útsýni yfir Korcula eyjaklasann. Eftir það er hjólað upp í móti þangað sem úrval króatískra vína eru framleidd. Farið í gegnum Dingac göngin að suðurhluta Peljesac og hjólað í gegnum vínekrur til Trstenik þar sem gist er um nóttina.
Kuciste – Trstenik
Siglt frá Trstenik til Mljet á morgunverði stendur. Mljet er einnig þekkt sem Honey Island. Mljet þjóðgarðurinn er á fallegu svæði með einstökum sjarma þar sem 2 saltvatns vötn eru, fallegur gróður og hrífandi strandlengja, klettar og hæðir.
Hjólað er í kringum saltvatnið þar sem er önnur eyja með Benedictine klaustrinu frá 12 öld. Hressing við saltvatnið og farið aftur um borð í hádegisverð.
Siglt til Korkula, frjáls eftirmiðdagur þar sem tilvalið er að skoða bæinn Marco Polo, gist í Korula.
Trstenik – Mljet – Korcula
Eftir morgunverð er haldið í lengsta hjólatúr ferðarinnar, í gegnum eyjuna Korcula. Hjólað upp í móti til Zrnovo og því næst að elstu byggð eyjunnar, Pupnat, sem er hæsti punktur túrsins.
Hjólað niður í móti yfir á suðurhluta eyjunnar á milli fallegra flóa. Áfram er haldið í gegnum ólífulundir og víngarða. Stoppað á heillandi stað, Smokvica á leiðinni. Haldið að sjónum, stoppað á fallegri falinni steinaströnd á leiðinni. Haldið áfram á útsýnisstað yfir Blato og endað í Vela Luka. Kvölverður um borð og dvalið í Vela Luka yfir nóttina.
Siglt til Korkula, frjáls eftirmiðdagur þar sem tilvalið er að skoða bæinn Marco Polo, gist í Korula.
Korcula – Vela Luka
Snemma morguns er siglt frá Vela Luka til Hvar þar sem morgunverður er snæddur. Stutt útsýnisferð um Hvar sem er ævintýraleg borg með sinni fallegu nátturu. Hjólað frá Hvar að hinum enda eyjunnar, Stari Grad. Hjólað framhjá lavender plöntum og fallegs útsýnis yfir á hinar eyjurnar og meginlandið notið. Hádegisverður um borð. Hjólað aftur í eftirmiðdaginn að Jelsa og Vrboska, í gegnum Stari Grad Plain
Gist í Stari Grad
Vela Luka – Hvar – Stari Grad
Síðasti hjóladagurinn byrjar með siglingu frá Stari Grad til eyjunnar Solta. Eftir morgunverð er hjólað frá Stomorska að hæsta punkti eyjunnar Gornje Selo, þar sem stórfenglegs útsýnis er notið. Haldið áfram til Maslinica á vestur hluta eyjunnar. Stutt pása og haldið aftur til Stomorska. Hádegisverður um borð og siglt til Split, frjáls eftirmiðdagur í Split þar sem er gist um nóttina.
Stari Grad – Stomorska – Split
Dagurinn byrjar á morgunverði, farþegar fara frá snekkjunni klukkan 09:00 og þá er haldið á Hotel Art þar sem er dvalið síðustu 2 næturnar.
Frjáls dagur
Frjáls dagur
Frjáls dagur
Heimferð, það þarf að skrá sig út af hóteli kl 11:00. Farið með rútu á flugvöllinn í Split.
