Riga 7.5-10.5
Upplifðu töfra Riga – perluna við Eystrasaltið
Riga, höfuðborg Lettlands, er sannkölluð blanda af sögulegum töfrum og nútímalegri orku. Borgin heillar gesti með glæsilegri miðaldamiðborg, litríkum Art Nouveau byggingum og líflegu menningarlífi. Hér mætast austur og vestur í einstökum kokteil af arkitektúr, listum og matarmenningu.
Göngutúr um gamla bæinn leiðir þig um steinlagðar götur, framhjá gotneskum kirkjum og sögulegum torgum þar sem kaffihús og verslanir skapa hlýlegt andrúmsloft. Á kvöldin lifnar borgin við með tónleikum, leikhúsi og veitingastöðum sem bjóða upp á bæði hefðbundna lettneska rétti og alþjóðlega matargerð.
Hvort sem þú ert að leita að rómantískri helgarferð, menningarupplifun eða afslöppun í fallegu umhverfi, þá býður Riga upp á eitthvað fyrir alla. Borgin er aðgengileg, örugg og fullkomin fyrir þá sem vilja upplifa eitthvað nýtt.
Skemmtilegt að gera í Riga
Skoðunarferðir
Gönguferð um gamla bæinn og vínsmökkun Riga Black Balsam
Gönguferð um gamla bæinn með innlendum leiðsögumanni. Í ferðinni munt þú upplifa Riga nútímans og til forna. Ótrúlegur arkitektúr í Art Deco / Art Nouveau stíl einkennir borgina og leiðsögumaðurinn sýnir þér allt það besta. Leiðsögumaðurinn hittir hópinn á hótelinu ásamt íslenskum fararstjora. Ferðin tekur um 2 klukkustundir. Í beinu framhaldi af göngutúrnum verður í Riga Balsam og líkjörs smökkun. í þessari smökkun verður fræðsla um lattneska líkkjöra og sögu og þróun þeirra. Frægasti drykkurinn er án efa Riga Black Balsam, sætur en bitur jurtalíkjör sem innihelfur 24 mismunandi jurta tegundir blandað með vodka. Þessi drykkur er 45% áfengi og er notaður bæði með kaffi og sem snaps, í kokteila og jafnvel í lækningaskyni. 3 mismunandi líkjörar verða smakkaðir og kynntir af gestgjafanum. Allir fá kaffi eða te með smökkuninni. Allir þurfa að smakka á Riga Balsams til að upplifa alvöru Riga. Vínsmökkunin tekur um 30 mínútur.
Heimsókn til Jurmala
Jūrmala er fullkominn áfangastaður fyrir dagsferð frá Riga, þar sem náttúra, menning og afslöppun mætast á einstakan hátt. Innlendur leiðsögumaður leiðir hópinn um þennan heillandi strandbæ. Ferðin hefst með stuttri og þægilegri ferð til strandbæjarins, þar sem gestir geta notið gönguferðar um sögulegar götur og dáðst að fallegum Art Nouveau villum og trébyggingum sem gefa bænum sérstakt yfirbragð.
JÍ hjarta Jūrmala er líflegur gamli bærinn með kaffihúsum, verslunum og menningarsöfnum sem segja sögu bæjarins sem heilsulind og vinsæll ferðamannastaður. Ströndin býður upp á mjúkan sand, ferskt sjávarloft og rólegt andrúmsloft, þar sem hægt er að slaka á, njóta göngutúra eða prófa vatnaíþróttir. Fyrir þá sem vilja meiri kyrrð og náttúruupplifun er Dzintari skógargarðurinn tilvalinn með fallegum göngustígum og útsýnispalli.
Jūrmala býður upp á fjölbreytta veitingastaði þar sem hægt er að smakka staðbundna rétti og sjávarmat í fallegu umhverfi. Ferðin til Jūrmala er upplifun sem sameinar ró, fegurð og menningu – og er tilvalin viðbót við dvöl í Riga.
