Menningarferð um Miðjarðarhafið
Frakkland - Andorra - Spánn - Ítalía
Komdu með í heillandi menningarferð þar sem flakkað verður á milli 4 landa þar sem saga, menning og merkir staðir verða skoðaðir
Frakkland - Côte d'Azur í öllu sínu veldi, Mónakó, Cannes og Nice bjóða upp á glæsileika, strendur og menningu.
Andorra - Við heimsækjum Andorra la Vella, heillandi höfuðborgina, og förum um smáþorp þar sem tíminn virðist hafa staðið í stað.
Spánn - Í Barcelona skoðum við helstu kennileiti: La Rambla, gotneska hverfið, El Born og Boqueria-markaðinn – hjarta katalónskrar matarmenningar.
Ítalía - Við siglum til Sardiníu, þar sem strendur, saga og ítalskur lífsstíll skapa ógleymanlega upplifun.
Þetta er einungis brot af þeim stöðum sem verða heimsóttir í þessari glæsilegu ferð.
Fararstjóri ferðarinnar er Petra Steinunn Sveinsdóttir
Petra hefur nýlega lokið leiðsögunámi og starfar sem leiðsögumaður með ferðamenn á Íslandi ásamt því að taka að sér fararstjórn með hópa erlendis. Petra þekkir Frakkland mjög vel og talar tungumálið reiprennandi. Hún hefur bæði ferðast víða um Frakkland en einnig stundað nám og vinnu bæði í Nice og Montpellier en báðar borgirnar eru á dagskránni í þessari heillandi menningarferð.
Petra er mikil útivistarkona og finnst fátt skemmtilegra en að vera úti í náttúrunni. Að ferðast erlendis og kynnast bæði sögu, menningu og tungumálum eru meðal áhugamála.
Flogið frá Keflavík til Nice með Icelandair
Flogið frá Róm til Keflavíkur með Icelandair
Velkomin á frönsku Rivíeruna, áætlaður lendingartími er 14:40, haldið í rútu á hótel í nágrenni Nice, þar sem dvalið verður fyrstu nóttina.
(u.þ.b. 450 km)
Eins og perlur á hálsmeni raðast hinir glæsilegu strandbæir Côte d'Azur meðfram frægustu strandlengju Frakklands.
Í dag heimsækjum þessa glæsilegu staði:Monaco - auðugt furstadæmi með glæsileika og spilavítum
Cannes - heillandi lúxusstaður þekktur fyrir kvikmyndahátíðina
Nice - Miðjarðarhafsborg með sögulegan miðbæ og líflega strandgötu
Eftir borgarskoðun í Nice heldur ferðin áfram í gegnum Provence til Montpellier/Narbonne svæðisins.
(u.þ.b. 300 km)
Heimsókn til miðaldaborgarinnar Carcassonne, sem þróaðist yfir aldirnar í óvinnandi vígi.
Gamli bærinn hefur verið á heimsminjaskrá UNESCO síðan 1997.
Að heimsókn lokinni er haldið áfram til Andorra.
(u.þ.b. 60 km)
Í dag heimsækjum við eitt fallegasta svæði furstadæmisins, oft kallað „Garður Andorra“.
Á milli tignarlegra fjalla og grænna dala njótum við stórkostlegs útsýnis og kynnumst daglegu lífi íbúa í þröngum götum heillandi smáþorpa..
Síðdegis er leiðsögn um höfuðborgina Andorra la Vella, þar sem nútími og saga mætast..
(u.þ.b. 275 km)
Farið er til Barcelona, einnar mest heillandi borgar Evrópu. Ferðin hefst á Plaça de Catalunya, síðan er gengið niður La Rambla, aðalverslunargötu borgarinnar..
Við heimsækjum Boqueria-markaðinn, fullan af spænskum sérvörum og skoðum Gotneska hverfið og El Born, þar sem má finna dómkirkju Barcelona og Catedral del Mar, sem hefur veitt innblástur fyrir bækur og sjónvarpsþætti..
Um kvöldið er farið með næturferju til Sardiníu.
(u.þ.b. 200 km)
Komið er til Porto Torres á Sardiníu. Morgninum er eytt í Alghero, fallegri strandborg með katalónskum áhrifum.
Leiðsögn um gamla bæinn, þar sem við skoðum dómkirkjuna og gotnesk-katalónsku kirkjuna San Francesco.
Síðdegis er ekið til Smaragðstrandarinnar (Costa Smeralda) þar sem kvöldverður og gisting bíður.
(u.þ.b. 80 km)
Ferja til Korsíku og heimsókn til Bonifacio, sem stendur hátt á hvítum kalksteinskletti yfir hafinu. Gengið er um brattar götur efri borgarinnar og notið stórfenglegs útsýnis yfir Bouches de Bonifacio og náttúrulega höfnina.
Síðdegis er snúið aftur með ferju til Sardiníu.
(u.þ.b. 75 km)
Skoðunarferð um Costa Smeralda, þar sem við sjáum gullnar víkur, granítkletta, græna runnagróðurinn (macchia), litrík þorp og tærblátt haf.
Við heimsækjum Porto Cervo og síðan er ekið að hinum áhrifamikla Bear Rock (Roccia dell'Orso).
Um kvöldið er farið með næturferju til Livorno.
Komið er til Civitavecchia, hafnarborgar Rómar og ferðinni lýkur með ógleymanlegum minningum frá Miðjarðarhafinu. Flogið heim frá Róm.
ATH – Breytingar á dagskrá geta átt sér stað
