Golf í Belek - Antalya
Belek er einn vinsælsti golf- áfangastaður í heimi, enda býður hann glæsilegt úrval hótela, golfvalla, veitingastaða og skemmtunar, allt á einum stað í stórkostlegu umhverfi við ströndina. Vorin eru besti tími ársins til að heimsækja þessa einstöku golfparadís, og Aventura býður nú bein flug til Antalya, þaðan sem er aðeins hálftímaakstur til Belek.
Hótelið
Cornelia Diamond Golf Resort & Spa - All Inclusive
Glæsilegt 5 stjörnu hótel við golfvöllinn
Cornelia De Luxe Resort er staðsett á stórkostlegum stað við ströndina og er frábær kostur fyrir afslappandi frí með öllu inniföldu.
Hvort sem þú ert að koma sem hópur, fjölskylda eða par, mun ótrúlegt magn af aðstöðu á þessum 5* stað tryggja að það sé eitthvað fyrir alla.
Herbergin eru hugguleg og vel búin og snúa út í garðinn.
Hótelgarðurinn er stór og góður, þar eru 7 sundlaugar, þar af 2 barnalaugar, lítill vatnagarður, næg sólbaðsaðstaða.
Yfir vetrartímann eru útilaugar og vatnsrennibrautir lokaðar.
Á aðalveitingastað hótelsins er hlaðborð fyrir morgun-, hádegis- og kvöldverð.
Hægt er að greiða aukagjald fyrir að borða á A la carte veitingastöðum.
Það er hægt að stunda hinar ýmsu íþróttir á hótelinu ásamt golfi, líkamsrækt, körfubolti, pílukast, borðtennis og gegna gjaldi, tennis, blak og keilusalur er á hótelinu.
Glæsilegur kostur í Belek.
Antalya-flugvöllur er 35 km frá Cornelia De Luxe Resort og miðbær Antalya er í 45 km fjarlægð.
Golfvellirnir
4 hringir spilaðir á Nick Faldo vellinum
18 holur spilaðar á King Course.
Antalya er einn vinsælasti ferðamannastaðurinn í Tyrklandi þar sem yfir 10 milljónir ferðamanna heimsækja svæðið ár hvert. Antalya er 8. stærsta borgin í Tyrklandi og er íbúafjöldinn um 1.2 milljón. Borgin á sér langa sögu og eru rústir Rómverja vel sýnilegar í gamla bænum. Borgin sem fyrst hét Attaleia og var stofnuð árið 150 fyrir Krist af gríska konungsins Attalus II hefur einnig tilheyrt Rómverjum, Byzantine stórveldinu, Seljuc stórveldinu, Ottómönnum í yfir 500 ár, Ítölum eftir fyrri heimstyrjöldina og það var svo 1923 að borgin varð tyrknesk þegar Tyrkland öðlaðist sjálfstæði undir forystu Mustafa Kemal Ataturk, fyrsta forseta Tyrklands.
Í skjóli Taurus fjallgarðsins er þessi fallega borg varin norðanvindum og er því einstaklega veðursælt á svæðinu.
Í Antalya er helst ræktaðir sítrusávextir, ólífur, bómull og bananar.
Kaleici sem er gamli bærinn, hefur einstakan sjarma, þröng stræti sem liggja að smábátahöfninni og gamlar byggingar setja svip sinn á bæinn. Fyrir ofan smábátahöfnina er svo aðaltorg borgarinnar Cumhuriyet Square, á íslensku lýðveldistorgið, þar sem gamli bærinn mætir nýja bænum en borgin er byggð umhverfis gamla bæinn Kaleici. Leifar frá Ottómönnum, Seljúkum og Bizantinum má víða finna í Kaleici, ásamt grískum arkitektúr frá fornum tíma en 5 grískar rétttrúnaðarkirkjur eru í Kaleici.
Antalya er frábær blanda af fallegum hvítum ströndum og hefðbundinni tyrkneskri menningu
