Aventura notar fótspor og aðra mælingatækni til að bæta upplifun þína á vefsíðu okkar, tryggja þér sem besta þjónustu og upplifun. Með því að halda áfram samþykkir þú notkun okkar á fótsporum.

PRAG

04.11.2021
KARLSBRÚIN BÍÐUR ÞÍN - KOMDU MEÐ TIL PRAG. ÍSLENSK FARARSTJÓRN
Beint flug til Prag 1.maí 2024 – 5 dagar
Flogið
með Smartwings
Morgunflug út 1. maí - Kvöldflug heim 5. maí
Íslensk fararstjórn

Prag er ein af stærstu borgum Mið-Evrópu og aldagömul höfuðborg Bæheims. Brýr, dómkirkjan, gylltir turnar og kirkjuhvolf hafa speglast í ánni Vltava í árþúsund. Borgin slapp nánast alveg við skemmdir í síðar heimsstyrjöldinni. Þetta er miðaldaborg með steinlögðum götum og görðum, óteljandi kirkjuturnum og bekkjum. Samt sem áður er Prag líka nútímaleg og lifandi borg, full af orku, tónlist, menningu í allri sinni mynd og að sjálfsögðu stórkostlegum veitingastöðum. Allir geta fundið eitthvað við sitt hæfi í þessari borg: sögulegar minjar, stórkostlegar leiksýningar, skoðunarferðir á söfn, dásamlegan mat heimamanna að ógleymdum tékkneska bjórnum.

SKEMMTILEGT AÐ GERA Í PRAG

 Ganga yfir Karlsbrúna sem er eitt aðaleinkenni Prag og dáðst að gamla bænum. Þetta er einn rómantískasti staðurinn í Prag og útsýnið yfir borgina er einstakt í ljósaskiptunum. Þetta er elsta brúin yfir Moldá og ein elsta steinbrú Evrópu. Brúin tengir miðbæinn við kastalahæðina.

 Rölta meðfram Kastalanum í Prag sem er stærsta kastalabygging í heimi. Þessi stórkostlega bygging er 570 metra löng og 130 metra breið þannig að það tekur tíma að labba í kringum bygginguna.

 Skoðaðu ótal turna Prag sem taldir eru vera um þúsund í borginni og á hver og einn sína heillandi sögu.

 Kíktu á Stjörnuúrið við gamla ráðhúsið einnig þekkt sem Postulaklukkan, smíðað árið 1410 og eitt þekktasta stjörnuúr heims. Sjón er sögu ríkari.

 Skoðaðu Vítusarkirkjuna sem er hluti kastalasamstæðunnar, hún er stærsta kirkja landsins og í henni voru konungar Bæheims krýndir.

SKOÐUNARFERÐIR

2. maí

Gönguferð um Prag

Prag er ein fegursta borg heimsins og það er ómissandi að byrja ferðina með því að kynnast helstu perlum hennar og þeirri ótrúlegu sögu sem hún hefur að bjóða. Gengið frá Republiky torginu, þar framhjá Púðurturninum, að Wenceslas torgi og um gamla bæinn, skoðuð hin fræga stjörnufræðiklukkaog gyðingahverfið. Gengið að Karlsbrúnni þar sem ferðinni lýkur. Hér heyrir þú söguna eins og hún átti sér stað.

 3 KLST

 Brottför klukkan 10:00 eða 14:00

 Íslensk fararstjórn

3.900 KR.
Verð á mann
3. maí

Miðaldakvöldverður og skemmtun

Miðalda matarupplifun í Prag, 5 rétta máltíð ásamt drykkjum. Þú ferð aftur til fortíðar þegar þú stígur inn á gamla krá upplýsta með kertum og drekkur bjór úr bolla. Þjóðleg skemmtiatriði á meðan snætt er. Stórkostleg skemmtun.

 3 KLST

 Brottför 19:45

14.900 KR.
Verð á mann
4. maí

Sigling á Moldá með hádegisverði

Frábær valkostur til að skipta upp deginum. Sigling á Moldá þar sem þú sérð helstu kennileiti borgarinnar en frá einstöku sjónarhorni. Kastalinn í Prag, Karlsbrúin, Rudolfinum tónlistarhöllin, þjóðleikhúsið, Vysehrad virkið.
Á meðan á siglingunni stendur nýtur þú hádegisverðar og einstaks útsýnis frá ánni og fegurstu bygginga borgarinnar.

 2 KLST

 Brottför frá bryggju nr 3 kl 12:00 (Gott að mæta 10 mínútum fyrr)

 Íslensk fararstjórn

9.900 KR.
Verð á mann
Lágmarksþáttaka í skoðunarferðir er 20 manns.
Hægt er að velja sér sæti í flugvélina gegn gjaldi,
hafið samband við Aventura í síma 556-2000