Antalya

Antalya í Tyrklandi

Vor 2026
Haust 2025

Margir Íslendingar þekkja Antalya og Lara ströndina en á Lara svæðinu, sem þekkist sem tyrkneska rivíeran, hefur verið mikil uppbygging síðustu ár. Nóg af afþreyingu er á svæðinu og má helst nefna skemmtigarðinn The Land of the Legends í Belek sem er tívolí, vatnagarður og verslunarmiðstöð á einum stað.

Tyrkir eru vel þekktir fyrir einstaka gestrisni, góða þjónustu og ekki síst góðan mat. Antalya borg er gaman að heimsækja en hún er aðeins í 20 mínútna akstursfjarlægð frá Lara ströndinni, þar er hægt að kynnast heimamönnum með því að rölta um gamla bæinn og basarinn og fá sér tyrkneskt te hjá teppasölumanninum.

Hótelin á þessu svæði eru glæsileg með öllu inniföldu. Hótelgarðarnir eru stórir með mörgum sundlaugum, einkaströndum, vatnsrennibrautum og frábærri sólbaðsaðstöðu. Krakkaklúbbar fyrir börnin og lúxus heilsulindir og SPA fyrir fullorðna fólkið.

Antalya, staðsett á suðurströnd Tyrklands, er sannkölluð paradís fyrir ferðalanga sem leita að blöndu af sól, sögu og stórbrotinni náttúru. Borgin er umkringd glitrandi bláum sjó, dramatískum fjöllum og fornum rústum sem segja sögur frá tímum Rómverja og Ottómana.

Hvort sem þú ert að leita að afslöppun, ævintýrum eða menningarlegri upplifun, þá hefur Antalya eitthvað fyrir alla. Þetta er staðurinn þar sem fortíð og nútíð mætast við strendur Miðjarðarhafsins.

Þú getur valið um gistingu á eftirfarandi svæðum
Lara - Belek - Side - Kemer

Ekki missa af lúxushótelum á frábærum kjörum og komdu með okkur á þennan skemmtilega áfangastað þar sem sólin skín að meðaltali 300 daga á ári.

LARA BEACH

Lara-ströndin, staðsett austan við miðbæ Antalya, er ein sú vinsælasta og lengsta á svæðinu – með yfir 15 km af ljósbrúnum sandi og tærum, blágrænum sjó. Hún er þekkt fyrir glæsileg 5 stjörnu hótel, sem raða sér meðfram ströndinni og bjóða upp á „all inclusive“ upplifun í hæsta gæðaflokki

BELEK

Belek er staðsett við suðvesturströnd Tyrklands, um 40 km frá Antalya-flugvelli, og er þekkt fyrir glæsileg hótel, golfvelli í heimsklassa, fallegar strendur og ríka sögu. Þetta svæði hefur þróast úr sögulegu menningarsvæði í nútímalegan lúxusstað sem býður upp á fjölbreytta afþreyingu fyrir alla aldurshópa

SIDE

Side er ein af vinsælustu strandborgum Tyrklands, staðsett á suðurströndinni milli Antalya og Alanya. Borgin sameinar fornmenningu, náttúrufegurð og nútímalegan lúxus á einstakan hátt og er tilvalin fyrir fjölskyldur, pör og alla sem vilja njóta bæði afslöppunar og ævintýra.

KEMER

Kemer er staðsett við rætur Taurusfjalla, um 65 km suðvestur af Antalya, og er þekkt fyrir einstaka samsetningu af fjöllum, furuskógum og kristaltæru Miðjarðarhafi. Þetta er staður þar sem náttúran og nútímaleg aðstaða mætast á fallegan hátt. Fjölbreytt úrval af hótelum – allt frá fjölskylduvænum „all inclusive“ hótelum til rómantískra lúxusdvalarstaða

Skoðunarferðir

Borgarferð

Frábær leið til að kynnast Antalya, þessari fallegu borg, þar sem sagan hefur verið vel varðveitt meðan borgin hefur stækkað og dafnað. Við munum aka um borgina, stoppa í Kaleici sem er gamli bærinn og njóta þess að þræða þröng stræti í bænum og hlusta á fróðleik frá innfæddum leiðsögumanni. Hadrian’s Gate frá tímum Rómverja, Saat Kulesi (klukkuturninn) frá tímum Ottómanna og Cumhuriyet Square (Lýðveldistorgið) eru kennileiti sem við heimsækjum í þessari skemmtilegu ferð. Frjáls tími í lok ferðar en þá er tilvalið að skella sér á veitingastað við smábátahöfnina eða rölta um þennan fallega bæ, kaupa minjagripi og kynnast gestrisnum heimamönnum

Borgarferð á rafmagnshjóli

Skemmtileg leið til að skoða borgina Antalya. Við byrjum á því að fá kynningu á hjólunum, fáum hjálma og vesti og hefjum ferðina í Duden garðinum. Hjólað er eftir sjávarsíðunni á leið í gamla bæinn. Við hjólum eftir þröngum götum framhjá sögulegum byggingum og kennileitum að höfninni. Við heimsækjum „Ataturk House Museum“og „Traditional Antalya House Museum“ í gamla bænum. Við fáum að smakka tyrkneskt te og hefðbundið tyrkneskt snarl. Síðan er haldið áfram að hjóla um borgina og að lokum er ykkur skilað á hótelin ykkar með bros á vör eftir skemmtilegan dag.

Land of the Legends

Ferð í Land of the Legends er eitthvað fyrir alla aldurshópa. Þessi einstaki garður er bæði tívolí og vatnagarður, einnig eru fjölmargar skemmtanir yfir daginn meðal annars höfrunga- og sæljónasýning. Gestir þurfa að koma með sín eigin handklæði í garðinn. Á sama svæði er einnig skemmtileg verslunargata þar sem hægt er að gera góð kaup.

Þorpsferð

Komdu með í þorpsferð og upplifðu alvöru tyrkneska menningu. Við skellum okkur í tyrkneskt þorp og kynnumst hefðbundnu tyrknesku þorpslífi. Þorpið er þekkt fyrir teppavefnað og við fáum að sjá handofin teppi hjá innfæddum. Við förum í heimsókn í mosku sem er bænahús múslima, fáum hefðbundna tyrkneska rétti í hádegismat og kynntumst heimamönnum. Þess má geta að konur þurfa að hylja hár, axlir og fætur í moskunni.

Bóka hér

Antalya er einn vinsælasti ferðamannastaðurinn í Tyrklandi þar sem yfir 10 milljónir ferðamanna heimsækja svæðið ár hvert. Antalya er 8. stærsta borgin í Tyrklandi og er íbúafjöldinn um 1.2 milljón. Borgin á sér langa sögu og eru rústir Rómverja vel sýnilegar í gamla bænum. Borgin sem fyrst hét Attaleia og var stofnuð árið 150 fyrir Krist af gríska konungsins Attalus II hefur einnig tilheyrt Rómverjum, Byzantine stórveldinu, Seljuc stórveldinu, Ottómönnum í yfir 500 ár, Ítölum eftir fyrri heimstyrjöldina og það var svo 1923 að borgin varð tyrknesk þegar Tyrkland öðlaðist sjálfstæði undir forystu Mustafa Kemal Ataturk, fyrsta forseta Tyrklands.

Í skjóli Taurus fjallgarðsins er þessi fallega borg varin norðanvindum og er því einstaklega veðursælt á svæðinu.
Í Antalya er helst ræktaðir sítrusávextir, ólífur, bómull og bananar.

Kaleici sem er gamli bærinn, hefur einstakan sjarma, þröng stræti sem liggja að smábátahöfninni og gamlar byggingar setja svip sinn á bæinn. Fyrir ofan smábátahöfnina er svo aðaltorg borgarinnar Cumhuriyet Square, á íslensku lýðveldistorgið, þar sem gamli bærinn mætir nýja bænum en borgin er byggð umhverfis gamla bæinn Kaleici. Leifar frá Ottómönnum, Seljúkum og Bizantinum má víða finna í Kaleici, ásamt grískum arkitektúr frá fornum tíma en 5 grískar rétttrúnaðarkirkjur eru í Kaleici.

Gönguferð um gamla bæinn, Kaleiçi, leiðir þig um þröngar steinlagðar götur með litríkum húsum, sögulegum moskum og fallegum kaffihúsum. Þar má einnig finna hinn sögufræga Hadrianusarhlið, sem hefur staðið frá 2. öld e.Kr.

Antalya er frábær upphafsstaður fyrir skoðunarferðir til fornminjasvæða eins og Perge, Aspendos og Termessos, þar sem þú getur upplifað stórkostlega leikhús, hof og götur sem hafa staðið í þúsundir ára.

Antalya er frábær blanda af fallegum hvítum ströndum og hefðbundinni tyrkneskri menningu