Ljubljana 60+
Ljubljana er heillandi og lífleg borg þar sem gamalt og nýtt mætast í fullkomnu jafnvægi. Með fallegum göngugötum, litríku húsum og rólegu straumi Ljubljanica-árinnar, býður borgin upp á afslappað andrúmsloft og einstaka menningarupplifun. Í miðbænum má finna sögulegar byggingar, kaffihús við árbakkann og markaði sem bjóða upp á ferskt hráefni og handverk.
Nú bjóðum sérstaka ferð fyrir 60 ára og eldri. Skemmtileg dagskrá innifalin.
Fararstjóri ferðarinnar er Lella Erludóttir
Lella er ferðalangur af lífi og sál sem nálgast heiminn af forvitni, hlýju og djúpri virðingu fyrir ólíkum menningarheimum. Hún hefur komið víða við en Austur-Evrópa hefur öðlast sérstakan sess í hjarta hennar, en það er svæði sem hefur heillað hana með ríkri sögu, litríkri menningu, gestrisnu fólki og fjölbreyttri matarmenningu.
Með næmt auga fyrir smáatriðum og einlægan áhuga á að skapa djúp tengsl við stað og stund, leggur Lella metnað í að miðla þekkingu sinni og reynslu og skapa upplifun sem sameinar gleði, innsýn og tengingu – við fólkið, söguna og áfangastaðinn.
Lella hefur verið viðloðandi ferðaþjónstu lengi, sjálf rekur hún lítið ferðaþjónustufyrirtæki sem býður upp á sögugöngur um Reykjavík frá 2017. Einnig hefur hún unnið að skipulagningu ferða erlendis.
Gist verður á Eurostars uHotel ****
Eurostars uHotel er 4 stjörnu hótel í hjarta Ljubljana, staðsett við Miklošičeva 3, aðeins örfáum skrefum frá Prešeren-torgi, Triple Bridge og helstu verslunum og veitingastöðum. Hótelið er þekkt fyrir rúmgóð herbergi, frábæra staðsetningu og góða aðstöðu til slökunar.
Komu í flugvöll Ljubljana er áætluð um kl. 16:00. Bílstjóri mun taka á móti ykkur í komusal. Ekið verður á hótel í miðbæ Ljubljana.
Eftir innritun og tíma til að koma sér fyrir í herbergjum verður gengið saman á hefðbundinn slóvenskan veitingastað fyrir kvöldverð.
Gisting á hóteli.
Morgunverður á hótelinu. Fyrsti heili dagurinn fer í að skoða Ljubljana. Enskumælandi staðarleiðsögumaður mun sýna ykkur borgina og segja frá sögu höfuðborgarinnar.
Heimsókn í Ljubljana-kastala og notið útsýnisins yfir borgina.
Síðan er frjáls tími til að skoða borgina á eigin vegum, slaka á á hótelinu eða prófa staðbundinn mat.
Dagurinn endar með hefðbundnum slóvenskum kvöldverði með þjóðdansa- eða menningardagskrá á einum hefðbundnum veitingastað. Gisting á hóteli.
Morgunverður á hótelinu. Akstur til Postojna.
Postojna-hellar skoðaðir með leiðsögn en síðan snæddur hádegisverður á nærliggjandi veitingastað.
Að lokinni heimsókn er snúið aftur á hótel í Ljubljana og tími til að hvíla sig eða njóta borgarinnar áður en hópurinn fer saman út að borða. Gisting á hóteli.
Morgunverður og útskráning af hóteli.
Akstur til Bled, þar sem leiðsögumaður tekur á móti ykkur.
Leiðsögn um Bled-vatn, ferð í hefðbundinni Pletna-trébát og heimsókn í Bled-kastala. Hádegisverður á hefðbundnum veitingastað og frjáls tími áður en ekið er áfram til Bohinj. Njótið frjáls tíma við Bohinj-vatn og farið í bátsferð yfir vatnið.
Brottför í átt að flugvelli Ljubljana um kl. 17:30.
Komu á flugvöll er áætlað um kl. 19:00 og flug heim kl. 21:00.
ATH - Breytingar á dagskrá geta átt sér stað.
