Berlín er eins og opin sögubók, þú finnur alls staðar tengingu við söguna. Engin eiginleg miðborg er í Berlín en borgin skiptist upp í mismunandi hverfi, hvert með sitt aðdráttarafl. Í Mitte er Brandenburgarhliðið sem er eitt helsta kennileiti borgarinnar ásamt þinghúsinu. Við Kurfursterdamm má finna fjöldann allan af verslunum og er þetta breiðstræti vinsælasta verslunargata borgarinnar

Berlín er eins ólík og hún er stór, dramatísk saga setur svip sinn á borgina, söfn, minnisvarðar og kennileiti hafa verið vel varðveitt. Borgin er fullkominn áfangastaður fyrir söguþyrsta ferðamenn.
Borgin er vestræn og setja innflytjendur skemmtilegan svip í hverfin. Gefðu þér tíma til að uppgvötva leyndardóma Berlínar, ein heimsókn er svo sannarlega ekki nóg til að sjá allt.