Alicante er yndisleg borg, einungis 10 mínútna akstur er frá flugvelli inn í miðbæinn. Þessi skemmtilega borg sameinar borgarferð og sólarferð. Postiguet ströndin er lífleg og skemmtileg, höfnin er heillandi með skemmtistöðum og spilavítum, gamli bærinn einstaklega sjarmerandi með hvítum húsum og þröngum götum sem sameinast svo nýja bænum með mikið af verslunum. Veitingastaðir og barir eru á hverju strái og falleg promenade í miðbænum þar sem heimamenn selja alls kyns varning. Þessi borg er sannarlega þess virði að heimsækja.