Rafhjólaferð um hlíðar Prosecco og Jesolo
Ekki missa af tækifærinu að hjóla um Prosecco hérað Ítalíu, þetta hjómar ótrúlega vel
Við byrjum í bænum Bassano del Grappo sem er falinn gimsteinn á norður Ítalíu þar sem áin Brenta rennur í gegn. Heillandi gamli bærinn dregur að ferðamenn frá öllum heimshornum, Ponte Vecchio eða gamla brúin er helsta kennileitið en miðbærinn tengir þröngar götur og stræti við falleg torg, þar sem verslanir, barir og sögulegar byggingar eru á hverju horni. Hér er tilvalið að smakka grappa sem er ítalskt vínberjabrennivín og á rætur sínar að rekja í bæinn.
Haldið er til Lido de Jesolo sem er hefðbundinn ítalskur strandbær, með fallegri 15 kílómetra strandlengju þar sem röndóttar sólhlífar einkenna strandlífið. Þessi líflegi bær hefur heillað ferðamenn í áratugi. Hér kemur fólk til að njóta strandar og skemmta sér.
Fararstjóri ferðarinnar er Þóra Katrín Gunnarsdóttir
Þóra Katrín Gunnarsdóttir hefur starfað sem fararstjóri víða um heim en mest þó á Ítalíu þar sem hún bjó um árabil. Hún vinnur í dag sem leiðsögumaður og hefur einnig starfað sem hjólaþjálfari í mörg ár og er einn af eigendum Hjólaskólans. Þóra Katrín veit fátt skemmtilegra en að ferðast um á hjólinu í góðum félagsskap og búa til skemmtilegar minningar.
Flogið frá Keflavík til Mílano með Icelandair
Flogið frá Mílanó til Keflavíkur með Icelandair
Fyrstu 4 næturnar verður gist á 4 stjörnu BONOTTO HOTEL BELVEDERE ⭐️⭐️⭐️⭐️ BASSANO DEL GRAPPA
Bonotto Hotel Belvedere er stutt frá miðbæ, huggulegt hótel þar sem gist er fyrstu 4 næturnar
Seinni 3 næturnar verður gist á 4 stjörnu hótelinu á HOTEL SIRENETTA ⭐️⭐️⭐️⭐️ LIDO DE JESOLO
Frábær staðsetning við ströndina
Koma - Farið frá Milano til Bassano
Marostica og Breganze – Meðfram kirsuberjatrjám og Torcolato vínleiðinni
Hjólað frá hótelinu til Marostica, sem er þekkt fyrir taflborð í raunstærð. Meðfram hæðum sem eru umvafnar kirsuberjatrjám er komið til Breganze, svæði úrvalsvína, þekkt fyrir Torcolata sætvínið. Vínsmökkun með snarli áður en haldið er tilbaka til Bassano
Fallegt landslag Mount Grappa og og Prosecco di Asolo vínleiðin
Hjólað við rætur Mount Grappa að þorpinu Paderno. Hjólað á sléttu og í halla með fallega fjallasýn. Haldið til Monfumo í gegnum hæðótt, fallegt landslag Prosecco vínekranna. Stoppað í léttan hádegisverð á ekta ítalskri vínekru með vínsmökkun og snarli. Hjólað tilbaka til Bassano á flötum sveitavegum framhjá rólegum þorpum./p>
Asolo og bærinn innan múranna Castelfranco Veneto
Hjólað til Asolo, “borg hinna hundrað sjóndeildarhringja”, heimili ljóðskálda og tónlistarmanna frá allri Evrópu síðustu tvær aldir.
Í Pagnano er farið Ezzelini hjólaleiðina, sem er tileinkuð áhrifaríkri miðaldar fjölskyldu sem bjó á svæðinu. Dagurinn endar í Castelfranco Veneto sem er innan bæjarmúra, heimabær Giorgione, hins fræga endurreisnar málara. Castelfranco Madonna meistaraverkið er til sýnis í kirkjunni. Farið til baka til Bassano í lest í 20 mínútur. Í enda ferðarinnar verður farið í grappa brennslu með smökkun.
Treviso og áin Sile
Um morguninn er farið til Treviso í rútu, þar sem fallegs útsýnis er notið á leiðinni, þar sem óteljandi síki og stórfenglegar hallir veita einstaka sýn.
Auðvelt hjólaleið í gegnum endalaust grænt svæði í Natural Park of the Sile River, þar sem við endum við lón Feneyja og að lokum Jesolo.
Hjólað um lón Feneyja
Þægilegur dagur þar sem hjólað er um lón Feneyja norðan megin sem eru á Heimsminjaskrá UNESCO Hjólaferð sem býður upp á einstaka náttúrufegurð og söguna eins og hún gerðist, í heillandi umhverfi fallega þorpa sem speglast í vatninu Bátsferð í gegnum lónið frá Lio Maggiore til Lio Piccolo.
Til Feneyja meðfram ströndinni
Hjólað á flatlendi meðfram Adríahafinu til Punta Sabbioni bryggjunnar. Bátsferð til fallegu Feneyja með innlendri fararstjórn. Frjáls tími til að skoða borgina. Farið til baka til Punta Sabbioni og í rútu til hótels.
Brottför frá hóteli um morguninn
Akstur frá hóteli að flugvelli.
Nánari upplýsingar um brottför veitir fararstjóri.
