Hagnýtar upplýsingar fyrir Mallorca
Innritun
Ef flogið er með Play
Innritunarferlið hjá Play fer í gegnum heimasíðu þeirra og fá farþegar sendar upplýsingar frá Play varðandi innritunarferlið en búa þarf til aðgang á MyPlay og skrá sig inn en innritunarkerfið er mjög einfalt og innritun ætti ekki að taka meira en nokkrar mínútur. Það þarf að nota bókunarnúmerið sem Play sendir til að innrita sig.
Gott er að mæta 2-3 klst fyrir brottför til Keflavíkur.
Netinnritun opnar 24 klst fyrir áætlaðan brottfarartíma og lokar 1 klst fyrir áætlaðan brottfarartíma. Farþegum er raðað handahófskennt í þau sæti sem eru laus ef ekki er greitt fyrir valin sæti. Þegar þú hefur innritað þig á netinu færð þú brottfararspjaldið sent á netfangið þitt. Ekki er nauðsynlegt að klára ferlið í gegnum heimasíðuna, einnig er hægt að innrita sig á flugvelli.
Ef þú ferðast með farangur sem þarf að innrita notar þú sjálfsafgreiðslu Play til að prenta út töskumiðana þína og brottfararspjald, ef þörf er á því. Til að fá töskumiðana þarftu að skanna brottfararspjaldið þitt eða vegabréf. Þegar þú hefur fengið töskumiðana þína og fest þá við töskuna þarf að skila henni í töskuafhendinguna. Þeir farþegar sem ekki hafa innritað sig eða skilað farangri í töskuafhendingu áður en innritun lýkur geta ekki innritað sig í flugið.
Hægt er að fylgjast með brottfarartíma frá Keflavík á síðunni https://www.isavia.is/keflavikurflugvollur/flugaaetlun/brottfarir og er góð regla að kanna hvort einhverjar breytingar hafi orðið áður en lagt er af stað út á flugvöll.
Ef farangur skilar sér ekki eða skemmist í flugi verður farþegi að gera skýrslu um málið hjá þjónustuaðila á flugvelli, ef ekki er gerð skýrsla fæst tjónið ekki bætt.
Farangursheimild er 10 kg handfarangur, 42x32x25 cm að stærð bakpoki eða veski, sem þarf að komast undir sætið fyrir framan þig. Þá máttu einnig koma með poka úr fríhöfninni í handfarangri og eins þau lyf eða lækningatæki sem þú þarft á að halda í fluginu. Vinsamlega athugaðu að þú þarft að hafa læknisvottorð meðferðis sem segir að lyfin/tækin séu nauðsynleg. Fyrir þá sem hafa keypt innritaða tösku þá má hún vera allt að 20 kg.
Fyrir aukafarangur eða sætapantanir þarf að hafa samband við Aventura í 5562000.
Gott er að mæta 2-3 klst fyrir brottför til Keflavíkur.
Netinnritun opnar 24 klst fyrir áætlaðan brottfarartíma og lokar 1 klst fyrir áætlaðan brottfarartíma. Farþegum er raðað handahófskennt í þau sæti sem eru laus ef ekki er greitt fyrir valin sæti. Þegar þú hefur innritað þig á netinu færð þú brottfararspjaldið sent á netfangið þitt. Ekki er nauðsynlegt að klára ferlið í gegnum heimasíðuna, einnig er hægt að innrita sig á flugvelli.
Ef þú ferðast með farangur sem þarf að innrita notar þú sjálfsafgreiðslu Play til að prenta út töskumiðana þína og brottfararspjald, ef þörf er á því. Til að fá töskumiðana þarftu að skanna brottfararspjaldið þitt eða vegabréf. Þegar þú hefur fengið töskumiðana þína og fest þá við töskuna þarf að skila henni í töskuafhendinguna. Þeir farþegar sem ekki hafa innritað sig eða skilað farangri í töskuafhendingu áður en innritun lýkur geta ekki innritað sig í flugið.
Hægt er að fylgjast með brottfarartíma frá Keflavík á síðunni https://www.isavia.is/keflavikurflugvollur/flugaaetlun/brottfarir og er góð regla að kanna hvort einhverjar breytingar hafi orðið áður en lagt er af stað út á flugvöll.
Ef farangur skilar sér ekki eða skemmist í flugi verður farþegi að gera skýrslu um málið hjá þjónustuaðila á flugvelli, ef ekki er gerð skýrsla fæst tjónið ekki bætt.
Farangursheimild er 10 kg handfarangur, 42x32x25 cm að stærð bakpoki eða veski, sem þarf að komast undir sætið fyrir framan þig. Þá máttu einnig koma með poka úr fríhöfninni í handfarangri og eins þau lyf eða lækningatæki sem þú þarft á að halda í fluginu. Vinsamlega athugaðu að þú þarft að hafa læknisvottorð meðferðis sem segir að lyfin/tækin séu nauðsynleg. Fyrir þá sem hafa keypt innritaða tösku þá má hún vera allt að 20 kg.
Fyrir aukafarangur eða sætapantanir þarf að hafa samband við Aventura í 5562000.
Þjónustu og neyðarsími
Neyðarsími Aventura er 6862000.
Hægt er að ná í neyðarnúmer Aventura fyrir utan skrifstofutíma á Íslandi. Neyðarsíminn er einungis fyrir neyðartilvik og við biðjum um að það sé haft í huga.
Ef farþegi hefur einhverjar athugasemdir varðandi þjónustu eða íbúð/herbergi hótels skal leita í gestamóttöku viðkomandi hótels eða gera Aventura viðvart, ekkert er hægt að gera eftir að heim er komið. Ávallt er hægt að hringja á skrifstofu Aventura í síma: + 354 556 2000, frá 9 – 16 alla virka daga.
Almennar upplýsingar
Við komu
Akstur inn í miðbæ Palma og á Playa de Palma tekur um 30 mínútur. Akstur til Alcudia tekur allt að klukkustund.
Hafir þú pantað og greitt fyrir akstur skal fylgja upplýsingum á þjónustubeiðni sem send verður til farþega fyrir brottför. Þess má geta að rútan getur stoppað á nokkrum hótelum áður en kemur að þínu hóteli.
Við brottför
Vinsamlegast lesið leiðbeiningar á voucher varðandi akstur á flugvöll.
Farþegar sem hafa pantað og greitt fyrir akstur skulu fylgja upplýsingum á þjónustubeiðni sem send verður til farþega fyrir brottför. Þess má geta að rútan getur stoppað á nokkrum hótelum áður en komið er á flugvöll.
Vinsamlegast verið mætt fyrir utan hótelið 10 mínútum fyrir brottfarartíma. Mikilvægt er að mæta ekki síðar en 2 tímum fyrir brottför út á flugvöll.
Vegabréf
Nauðsynlegt er að hafa gilt vegabréf og er almenna reglan að ef ferðast er utan EES verða vegabréf að hafa gildistíma í amk 6 mánuði frá áætluðum ferðalokum. Gott er að athuga tímanlega hvort vegabréf sé enn í gildi og einnig er gott að ferðast með ljósrit af vegabréfi. Farþegar bera einir ábyrgð á því að vegabréf sé gilt. Farþegar með erlent vegabréf þurfa sjálfir að kanna hvort þeir þurfa vegabréfsáritun inn í landið. Nöfn í bókun þurfa að vera alveg eins og í vegabréfi. Nánar um vegabréf hér.
Um borð
Hægt er að kaupa létta rétti, sælgæti og drykki um borð.
Ferðamannaskattur
Á gisti- og áfangastöðum þarf að greiða ferðamannaskatt fyrir hverja gistinótt á mann en gjaldið er misjafnt og miðast við opinbera stjörnugjöf gististaðarins. Skattinn greiða ferðamenn á viðkomandi gististað en ferðaskrifstofum er ekki heimilt að innheimta hann fyrir hönd farþega sinna.
Tryggingar
Farþegar bera sjálfir ábyrgð á tryggingum sínum. Hafi ferð verið greidd með kreditkorti fylgja yfirleitt góðar tryggingar. Gott er að hafa Evrópska Sjúkratryggingakortið með, hægt er að nálgast það hjá Sjúkratryggingum Íslands.
Gjaldmiðill og kreditkort
Gjaldmiðillinn á Spáni er Evra (EUR). Hraðbankar eru víða en hægt er að nota kort á flestum veitingastöðum og í verslunum.
Opnunartími verslana
Verslanir eru almennt opnar frá kl. 10.00-13.30 og 16.30-20.00 mánudaga til föstudaga. Flestar verslanir eru opnar fyrir hádegi á laugardögum en sumar hafa lokað eftir hádegi. Á sunnudögum er yfirleitt lokað. Verslunarmiðstöðvar eins og El Corte Ingles og vörumarkaðir eins og Carrefour, Zara, H&M og verslunarmiðstöðin Porto Pi eru yfirleitt opnar frá 10:00 – 21:00. Almennt má finna opnunartíma verslana á netinu.
Læknisþjónusta og apótek
Góð læknisþjónusta er á Mallorca og er hægt að fá enskumælandi lækni heim á hótel með milligöngu hótelmóttökunnar. Íslendingar eru tryggðir innan EES ef um ríkisrekna heilsugæslu og sjúkrastofnanir er að ræða en ekki á einkareknu stofunum. Mikilvægt er að vera vel tryggður. Opnunartími apóteka er frá 9:00-13:00 og 16:30-20:00. Hótelmóttökur vita yfirleitt um það hvaða apótek eru næst þér og þau sem eru opin.
Ræðismaður Íslands
Ræðismaður Íslands á Palma de Mallorca er Joaquin Gual de Torrella.
Skrifstofa: Calle Concepcio N. 13, 1° 1a, Palma de Mallorca. Sími: 0034 971 716 045. Netfang: gdet@mallorcanet.com
Sími
Þegar hringt er úr íslenskum síma og í íslenskan síma frá Spáni þarf að setja 00354 á undan símanúmerinu.
Þjórfé
Á Spáni tíðkast að gefa þjórfé, um 5-10 % af upphæð. Gott er að skilja eftir pening fyrir herbergisþernur í byrjun dvalar til að fá ljómandi góða þjónustu á meðan á dvölinni stendur.
Mallorca
Eyjan skemmtilega Mallorca er Íslendingum vel kunn enda einn vinsælasti áfangastaður á árum áður.
Mallorca er stærst hinna svokölluðu Balearic-eyja, kjörin fyrir strandlíf, slökun og alls kyns afþreyingu, t.d klifur, köfun og seglbrettasvif svo ekki sé nú minnst á alla náttúrfegurðina. Eyjan er kjörin fyrir rólegt fjölskyldufrí sem og til alls kyns íþróttaiðkunar og skemmtunar.
Palma de Mallorca
Þú getur notið sumarfrísins á Mallorca á stærstu ferðamannastöðum eyjunnar og algerlega gleymt stað og stund. Þessi ferðamannastaður býður upp á fjölmargar strendur með skjannahvítum sandi, frábær hótel, góða innviði, verslunar- og skemmtanarmiðstöðvar, bari og veitingastaði. Hin snjóhvíta strönd Playa de Palma teygir anga sína yfir 8 km meðfram hlýju Miðjarðarhafinu. Ströndin fékk Bláa fánann vegna umhverfisvænleika og hreinlætis. Hana rekur sveitarfélagið og á henni er hægt að leigja sólbekki, sólhlífar, sæþotur og báta. Þá eru leikvellir með rennibrautum fyrir börnin. Svo það er góð hugmynd að verja fjölskyldufríinu á Mallorca, sérstaklega á þessum stað. Auk þess hentar ferðamannastaðurinn einnig fyrir fólk sem er ekki fyrir löng ferðalög. Það tekur aðeins nokkrar mínútur að koma sér frá flugvellinum til Playa de Palma.
Cala D’or
Ef þú vilt fara til Mallorca til að slaka á þá er tilvalið að fara á austurströnd eyjunnar – nánar tiltekið til borgarinnar Cala d’Or. Aðalaðdráttarafl og óumdeilanlegir yfirburðir Cala d’Ora fram yfir aðra ferðamannastaði eru huggulegar víkur með fíngerðum sandströndum sem eru umkringdar furuskógum sem skýla ströndunum fyrir vindi og of miklu sólarljósi. Þarna eru engin háhýsi en borgin er full af glæsihýsum sem eru falin á bak við gróður. Þangað er tilvalið að fara í brúðkaupsferð. Auk þessa eru í borginni Cala d’Or sjálfri fjölmörg hús sem máluð eru hvít sem er einkennandi fyrir Miðjarðarhafið. Það kemur skemmtilega á óvart hvað þetta er fallegur og huggulegur staður á Mallorca.
Alcudia
Á norðurströnd Mallorca er Alcudia-flóinn en einkenni hans er tær og grunnur sjór og hvítar strandlengjur með fíngerðum sandi. Aðgengið að sjónum er afar gott sem er auðvitað kjörið fyrir lítil börn. Innan við 10 km eru í stærstu strönd Mallorca. Þessi staður er ekki bara kjörinn fyrir fjölskyldufríið heldur einnig fyrir unnendur vatnaíþrótta. Hérna blæs vindurinn sem gerir staðinn eftirsóttan fyrir seglbrettaiðkendur sem koma hingað í stríðum straumum.
Áhugaverðir staðir
Drekahellarnir í Manacor – þess virði að heimsækja
Dómkirkjan í Plam er eitt helsta kennileiti Mallorca
Puerto Portals – Glæsileg snekkjubátahöfn
La Lonja – Gamli bærinn í Palma, þröngar götur, veitingastaðir og barir
Með von um góða ferð!
